壽喜燒 友 (已結業)

食物點評如下✍🏻💯前菜💯一個盤裝住4款，擺得好精緻，有沖繩水雲，松葉蟹凍蛋，鴨肉松風同蜜柑寒天。水雲口感好滑好爽口，酸酸地幾得意；蟹凍配蛋質感又係滑捋捋好舒服；鴨肉松風好咸香，又有個甜甜地既蜜柑寒天，味道真係岩岩好！💯季節料理💯吉列甘鯛係未食過既，坐係枱見師傅新鮮即炸，配上沙律醬同檸檬汁，鮮香味美，甘鯛切開仲係好軟嫩，脆脆既外皮配上柔嫩既魚肉，雙重口感！💯壽喜燒💯壽喜燒係有三款肉架，全部都係A4和牛，只係唔同部位，有肉眼，西冷同肩肉，每款都會跟唔同配菜。西冷係我最中意既，跟佐大量洋蔥同一塊油揚，吸收晒湯汁既香味，牛肉味又濃，真係好好食呀！呢間壽喜燒仲要食得好講究，A4和牛配上兩款蛋，一款系蘭王蛋，另一款d蛋白泡泡圍住個蛋黃，好令，好似蛋黃被d 雲包住左咁，原來係日本無菌蛋。食起來，令和牛有兩種好唔同嘅質感💯藍莓乳酪刨冰💯呢個甜品都好值得一提，成個口感好細滑，乳酪味濃，加上藍莓醬，味中道更加香甜！呢度既晚餐人頭$1080,有10道菜品，非常豐富，每一道菜都好有心思，擺碟設計上都好有心機，又有得坐bar枱睇住師傅去整，絕對值得一訪！