森戶 (河背街) (已結業)

第一次光顧，同老婆叫咗個三色丼同一個特上壽司。 食物質素一般，吞拿魚腩比較好。 三文魚子特別小，唔知係咪唔夠定好貴， 竟然三文魚子壽司軍艦可以見到飯，並唔係滿嘅。點壽司拼盤，通常都有面豉湯跟，但佢哋無，感覺比較小家一啲， 可以賣貴啲，但要有囉。至於3 色丼魚生份量小，飯就多，一般。 不建議。最後服務方面，加茶次數好密，密到有啲煩，同埋一般姐姐做樓面，唔可以要求咁多。 建議放低壺茶好啲，食嘢個陣成日比人打擾，煩同唔衛生。最後埋單個陣，以為出去埋單，點知疑似老闆娘，見我哋起身，好緊張問伙記埋張單未架， 好反感， 好似我哋諗住走數咁，二個飯仲比得起。總結，如果唔係食400 減100，（正價加一服務費），唔會再去，寧願比多小小食質素同服務好啲。 感覺不良。