板長壽司 (屯門時代廣場) (已結業)

我鐘意即叫即做既壽司 (所以某d壽司鋪我就唔太prefer)，而我又唔太追求高質素，所以性價比係最重要。食過爭鮮，元氣，一壽司，峰壽司，千兩，monster sushi等等壽司鋪，我覺得食物質素都係差不多(當然價錢平d既，質素都會成正比)，都係覺得板長既性價比最高，所以每次想食壽司都會去板長每次叫親都係個幾款壽司。最鐘意食芥辣墨魚軍艦，夠刺激，不過唔係間間壽司鋪都有，以前仲有芥辣鮑魚軍艦架，但今年開始又無得食。不過就多左蟹膏蟹肉軍艦(尼款都唔係間間壽司鋪都有架)，成啖蟹膏放入口真係好爽唯一唔穩定既就係軍艦既紫菜。叫得軍艦，當然就期待”脆啵啵”既紫菜。但就好似今次咁，一上碟就見到”諗”哂唔脆既紫菜，失望不過第二轉叫既軍艦，就係好脆既紫菜，相信係第一轉整好左好耐但無侍應拎出來之前只要係60日內食滿$300可以做會員，會員每次埋單都可享九折優惠。而家會員制度改變左，好似可以免費登記做會員。成為會員後，每消費$10就可以換1分，而每1分就等於$1，每次埋單時就可以選擇用幾多分，感覺同之前9折優惠差唔多，不過而家就可以累積分數(仲好似可以即時消費即時扣分)。唯一缺點係，會員要透過自己手機登入板長