影片
更多
2020-11-06
520 浏览
食咗咁多次壽司郎，今次的起心肝嚟個大總結！簡單一句係又好食又抵又多選擇，連熱食同甜品都做得幾好，唯一嘅缺點係難Book位😆同埋60分鐘限時有啲趕～希望佢開多啲分店，遲啲唔使等咁耐啦🤤.<🍁秋冬限定>特大海螺雙味 (生·醬油漬)：一件炙燒一件原味，食落好爽口，感覺好新鮮！天然生蝦雙味 (生·醬油漬)：蝦肉好結實，一件配上一小塊檸檬令到蝦肉幾清新，一件醬油漬就冇咩特別。帶子雙味 (味噌炙燒·醬油炙燒)：兩粒帶子都幾大，食落好滿足😍，可惜紫菜淋咗~池魚配香味野菜&芝麻辣醬：唔太推薦，芝麻辣醬味太濃，池魚亦唔太有鮮味，兩者唔太夾。.<🍣推薦壽司Top 8🍣>厚切中吞拿魚腩：睇相都知道呢件拖羅有幾靚有幾肥美😍，真係好厚口感的確一流，油脂感好豐富🤤，食落冇筋，呢個價錢真係冇得輸👍🏻。油甘魚：喺咁多間分店食都係水準好高，厚切夠晒肥美，食落好香油脂味🤤，每次都食到唔唔聲😆，必叫，強力推薦！厚切三文魚：絕對夠肥美嘅三文魚，好香魚油味，鍾意食三文魚嘅你唔好錯過啦😝壽喜燒牛扒：比較少見既壽司😳，淋咗小小壽喜燒汁喺面，唔點豉油本身都夠味，$12超抵！醬烤鰈魚鰭邊：平時喺其他店好
.
<🍁秋冬限定>
特大海螺雙味 (生·醬油漬)：一件炙燒一件原味，食落好爽口，感覺好新鮮！
天然生蝦雙味 (生·醬油漬)：蝦肉好結實，一件配上一小塊檸檬令到蝦肉幾清新，一件醬油漬就冇咩特別。
帶子雙味 (味噌炙燒·醬油炙燒)：兩粒帶子都幾大，食落好滿足😍，可惜紫菜淋咗~
池魚配香味野菜&芝麻辣醬：唔太推薦，芝麻辣醬味太濃，池魚亦唔太有鮮味，兩者唔太夾。
.
<🍣推薦壽司Top 8🍣>
厚切中吞拿魚腩：睇相都知道呢件拖羅有幾靚有幾肥美😍，真係好厚口感的確一流，油脂感好豐富🤤，食落冇筋，呢個價錢真係冇得輸👍🏻。
油甘魚：喺咁多間分店食都係水準好高，厚切夠晒肥美，食落好香油脂味🤤，每次都食到唔唔聲😆，必叫，強力推薦！
厚切三文魚：絕對夠肥美嘅三文魚，好香魚油味，鍾意食三文魚嘅你唔好錯過啦😝
壽喜燒牛扒：比較少見既壽司😳，淋咗小小壽喜燒汁喺面，唔點豉油本身都夠味，$12超抵！
醬烤鰈魚鰭邊：平時喺其他店好似係叫左口魚裙邊🤔，薄薄嘅一塊但充滿油份，真係有一種入口即溶嘅感覺，都係強力推薦！
松葉蟹軍艦 ：一舊有晒松葉蟹肉同蟹膏，蟹膏味好濃好好食！
海膽壽司：海膽份量唔多，但都有鮮味，$17嚟講真係好抵食🤤
生拌三文魚軍艦：幾粒三文油粒用左小小既辣醬調味再加埋芝麻，雖然紫菜有些少淋咗，但整體上都好好食🤤。
.
<🍤熱食🍤>
天婦羅拼盤：炸蝦、南瓜、冬菇各兩件，味道正正常常食得出係即炸，略嫌油左啲，但$27食到咁多款算係好抵。
炸雞塊：上枱時超熱，但其實感覺小小炸過火，但有四塊尚算抵食~
<🍮甜品🍮>
卡達拉娜：被稱為「唔會溶嘅雪糕」，食落真係好似雪糕，好濃奶同cream味，同表面嗰層焦糖好夾😍
北海道牛乳生布甸：牛奶味好濃，連埋最底嘅焦糖一齊食感覺好幸福😍。
開心果Tiramisu：入面有開心果碎，但味道一般可以唔試~
日式焦糖番薯：唔推薦～係凍食，成舊硬硬地，啲番薯條質感都一般～
张贴
