牛石料理 (已結業)

住九龍城個朋友推介過呢間牛石料理話啲材料同燒牛好正，出糧就同男朋友黎豪一豪佢🤣餐廳環境非常闊落同乾淨，半開放式廚房可以見到廚房專心咁整壽司，每張枱都有個矮身吸油煙，設計完美融入環境，唔會覺得好阻頂👍我地點左個超大既特級壽司盛($588)，有鐵火卷，三文魚，火炙皇帝蟹棒壽司，日本金木鯛，赤蝦，劍魚腩等，如果好中意食鮮魚壽司既你啱曬，全部材料食落非常新鮮，鯛魚等有薑等調味增加刺激口感，火炙蟹棒入口即溶，好中意佢連埋沙律醬奶滑既口感，赤蝦大大隻，肉質彈牙，讚👍👍燒肉店點可以唔食燒牛呢！我地加點左牛石精選盛合($558)，包括牛同豬既唔同部位各2件，令客人可以食盡不同口感，一定要提就係佢既頂級牛小排，雪花紋分佈平均，薄燒一陣已經好juicy，連埋海鹽同燒肉汁一齊食簡直完美，牛味依然濃郁，日本三元豬腩都幾好食，同樣薄片半肥瘦，好易就咬開，呢個我則中意配檸檬汁，酸酸地開胃又好食，最後甜品係紅莓芝士蛋糕，細細件芝士味好重，係個不錯既ending👍