酒泉日本料理 (已結業)

聽同事話元朗有間叫酒泉既sushi店幾抵食且喺openrice度見到元朗區食日本野排名最好又多「笑哈哈」，咁就諗住去試下啦。呢日差不多五點同朋友二人去食下午茶，點知令人失望 !! 所謂既巨大壽司原來係舊飯勁大,不過大既只係舊飯, 幾舊加埋有成碗飯啦…蝦天婦羅：送黎時仲有d熱, 呢個尚算ok，但隻蝦無咩味，唔新鮮。三文魚壽司：睇落好似好大舊，但原來下面舊飯比其他店平時正常嗰啲大成半，平時我都係一啖一舊壽司, 但係呢舊我要分兩啖食….塊三文魚睇落去係長但幾薄，又唔新鮮。牡丹蝦：好細隻又無味鰻魚壽司：鰻魚很大條, 但略硬, 屯門金水同青森既鰻魚大條且軟身易入口。壽司既飯需要改善下，舊飯咁大, 食唔落……如無意外應該不會再黎。唯一要讚既係員工服務唔錯!!!