鮨森日本料理 (已結業)

壽司- 可以話係師傅手藝既表演。無論係魚生既溫度、師父既刀功、壽司飯既握度、什至乎每粒壽司飯醋味既濃淡，都會影響到壽司既味度。小妹一如既往坐壽司吧台，睇師傅表演佢既手藝。小妹叫左壽司omakase, 壽司飯既味道同平時食到既好唔一樣，師傅話係用左赤醋，係江戶前既做法，會令到粒飯更加香甜。小妹長知識了！😌是日最愛同埋驚喜，應該係毛蟹壽司，師傅將蟹拆做蟹肉之後再撈左啲蟹膏增強味道，上面仲放埋海膽。好貴氣既毛蟹壽司呀！😍 相當之有層次既一粒壽司，呢度既壽司赤醋飯好特別。