北海道爐端燒 (已結業)

同屋企人黎試下好評好多既北海道爐端燒環境好靚好有日本fu但因為個日太多人，我地要坐tatami既位，跪左成餐飯，食完真係有啲累。不過野食又真係要讚下~首先係壽司我哋嗌咗三文魚壽司鰻魚壽司海膽壽司想講塊鰻魚真係超級厚！超好食！三文魚壽司都係好厚身好肥美，海膽壽司真係好鮮甜~串燒同炸物方面呢我哋嗌左串燒五款，串燒五款係由廚師發板，本身都有啲擔心驚會唔會唔岩食呢，但最後一黎到都係好快俾我地清哂XD另外我地仲叫左燒鵪春蛋、牛舌、同明太子雞翼同燒雞皮，每樣都好食，特別係燒牛舌，燒到岩岩好，裏面仲保持多汁好味~仲要提一提既係依個燒巨型聖子！依個係要自己燒既，但店員會耐心教你點樣燒，keep住加洒落去，等佢唔會咁快燒乾，自己燒既特別鮮甜阿~~總括而言，除咗坐位上嘅問題，大部份都係滿意既🧘🏻‍♂👅