櫻羽居

营业中

休息中

難得今晚想食壽司，見阿媽唔係煮咗好多飯，所以買咗兩盒可以一家人食。長沙灣都冇乜嘢壽司店選擇，除咗元氣之外，我都係去呢一間壽司店買外賣返屋企食。買咗一盒大，原價＄128 ,而家減價＄98 ,有21舊壽司，除番開大約＄5/1件，咁望落都叫做新鮮嘅，種類款式唔算多，個人覺得最好食嘅反而係火炙蟹柳壽司，可能特別鍾意燒過嘅壽司啦，哈壽司都好新鮮，三文魚同埋其他壽司就一般啦，唔係太重魚味。另外細盒就＄58/12件，其實純粹係為咗帆立貝而買，飯嘅份量適中，不過都係果句啦，刺身較為一般，都係冇選擇下嘅唯一選擇。佢哋嘅Wasabi係特別辣嘅，平時需要兩包Wasabi ,食佢哋嘅壽司可能開一包就已經足夠。