御品千の味刺身壽司專門店 (海寶花園) (已結業)

今日去朋友屋企搞大食會，我負責買壽司同飲品 🍣 諗起買壽司梗係要幫襯千之味外賣啦，因為性價比都幾高。嚟咗大埔呢間分店買，餐牌有超級多壽司拼盤選擇，不過最後決定自己揀，雖然可能係貴啲啲但係可以食到自己鍾意嘅款式，見到堂食本 Menu 真係好鬼正，有機會真係要試吓堂食。😋吉烈炸蝦卷同軟殼蟹反卷鋪滿蟹子同沙律醬 😍 而且炸蝦同軟殼蟹就算攞到返屋企放入雪櫃隔咗一陣先食，都仍然非常脆口。壽司拼盤更加唔洗講，壽司超級新鮮，由其係帶子同特大赤蝦啖啖肉非常之正 🤤 海膽花之卷海膽嘅份量亦好多一啲都唔孤寒。