九井壽司 (已結業)

今次係我第二次食九井壽司喇，唔知係多咗人食定係我遲咗嚟，上次唔使排隊就直入，今次就等飛等咗差唔多十五分鐘啦。九丼壽司嘅用具同埋茶都係自助嘅，煎茶包嘅味道唔錯，佢嘅wasabi 個人感覺真係好好味，每次我多點好多。 黎度首先就梗係攞返張傳單啦，即食滿100即扣十蚊喎。跟手開始落單啦，佢係用枱上面的tablet 自己電子下單嘅。而家佢做緊個優惠，有三款迷你丼係做緊特價嘅。朋友叫咗個海膽鮮帶子迷你丼，不過真係好細碗。我就叫咗個極上金刺身丼，真係有金箔喺上面個喎，雖然呢個話自己係咪你丼，但佢嘅份量比起另外嗰款大，望落同平時食開嘅套餐差唔多咁大碗，只係冇咗個湯同埋沙律唓。賣相好好，味道都幾好，都算新鮮，好有口感。另外仲有叫咗一份午市套餐，火炙系列，不過，原來佢會燒嘅地方只限於放好之後我們可見嘅地方，就好像三文魚，他一塊疊一塊放在碗裏，一夾起面嗰塊之後，便會見到只有半塊有燒到，感覺好像有點求其。由於佢電子落單，佢每下單四款便會有一個遊戲，如果贏了便會有指定的壽司送畀給你，不過我們玩四次都未贏過。最後想講嘅，如果帶小朋友嚟食，他們門口是有一個小盤放有一些小朋友文具，冇料的，是送給小朋友的，很不錯。