初凝 · 芝茶 (已結業)

今日去咗旺角食飯，之後去咗旺角中心行街，見口渴所以就去買咗杯奶茶飲。大家記得自己帶樽啦環保啲，今日終於帶咗自己嘅杯去裝奶茶！我叫咗個士多啤梨latte，佢個顏色好靚，好夢幻，女仔一定好鍾意，入邊都有啲士多啤梨醬同籽！如果再有啲士多啤梨肉就更好啦🤣其實我覺得佢甜咗少少嘅，不過係我冇叫少甜。同埋佢latte就唔係有咖啡，係加咗奶所以其實佢係士多啤梨奶！同埋佢係用德國鮮奶，冇用奶精，所以我覺得飲落去奶味真係好重，口感綿滑盈！