43
12
0
等级4
281
0
2016-07-28 238 浏览
每日都熱到咁,有時真係想雪糕當正餐。強調無添加的意大利gelato品牌Grom就擇啱時間係IFC開鋪,天氣+人流一定每日都旺場。未叫雪糕前首先要識意大利文,因為menu上全部係意大利文,即使加左少少文字同圖片解說,我只係估到其中兩個,於是就趁排隊時上網做功課。介紹雪糕前先講講流程,首先去畀錢,講要幾多個flavour,然後去排隊㨂雪糕,冇咩心水的話,可要求店員畀你試味。好喇,咁有邊幾種味呢?佢總共有5款gelato同一款sorbet,gelato中Crema di grom係招牌款式,其餘係pistacchio(開心果)、stracciatella(雲呢拿+朱古力碎)、gianduja(榛子朱古力)、vaniglia(雲呢拿)。Sorbet得一款,就係fragola(士多啤梨)。我選左杯裝的2 flavour($59),本來想食榛子朱古力,但聽聞甜到漏,試食過都覺得幾甜,所以唔選。Crema di grom似雲呢拿味,但有d餅碎之類既嘢,冇咁甜,有咬口,都唔錯。本身幾抗拒任何士多啤梨產物,但試過味又覺得ok喎,唔會好酸好甜,因為係sorbet,所以感覺似固體沙冰,好冰涼,如果另外會選偏
更多
每日都熱到咁,有時真係想雪糕當正餐。強調無添加的意大利gelato品牌Grom就擇啱時間係IFC開鋪,天氣+人流一定每日都旺場。
23 浏览
0 赞好
0 留言
未叫雪糕前首先要識意大利文,因為menu上全部係意大利文,即使加左少少文字同圖片解說,我只係估到其中兩個,於是就趁排隊時上網做功課。
介紹雪糕前先講講流程,首先去畀錢,講要幾多個flavour,然後去排隊㨂雪糕,冇咩心水的話,可要求店員畀你試味。
25 浏览
0 赞好
0 留言
好喇,咁有邊幾種味呢?佢總共有5款gelato同一款sorbet,gelato中Crema di grom係招牌款式,其餘係pistacchio(開心果)、stracciatella(雲呢拿+朱古力碎)、gianduja(榛子朱古力)、vaniglia(雲呢拿)。Sorbet得一款,就係fragola(士多啤梨)。
我選左杯裝的
2 flavour($59),本來想食榛子朱古力,但聽聞甜到漏,試食過都覺得幾甜,所以唔選。Crema di grom似雲呢拿味,但有d餅碎之類既嘢,冇咁甜,有咬口,都唔錯。本身幾抗拒任何士多啤梨產物,但試過味又覺得ok喎,唔會好酸好甜,因為係sorbet,所以感覺似固體沙冰,好冰涼,如果另外會選偏甜的gelato的話,加個士多啤梨就可以中和下喇。
11 浏览
0 赞好
0 留言
值得去指數:
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
等候时间
5 分钟 (外卖自取)