港原味 (已搬遷) 新店位置

知道有呢間餐廳好耐，因為佢內裝特別：牆壁上有好多有香港特色嘅圖畫，但係從未入去食過；今日又經過呢度，機會嚟啦，即刻入去試吓。叫咗$72嘅「香辣水煮魚」，再加多$10要杯特飲「紅豆冰」。「紅豆冰」先上，上面有好多白雪雪滑脫脫嘅cream，同大大粒肥美嘅紅豆一齊食，好正😋「水煮魚」嘅魚肉肉質結實又好滑，紅卜卜嘅湯裏邊除咗魚肉仲落咗辣椒、花椒、蒜頭、薑片、大豆芽菜、魔芋絲同埋好多香料，味道非常濃郁；魚肉係呢個湯底裏變得更加惹味；仲有大大一碗白飯一齊食😁$8嘅「蓮藕綠豆煲豬骨湯」都幾好味。呢度嘅壁畫真係有香港特色，唔怪得知咁多人嚟打卡😁