一品活蝦 (已結業)

行行吓街，都想食少少野，就揀咗呢間我哋叫左1)冷盤油雞可以先食韭菜和薑絲，才食土雞，亦可以將所有夾住一齊食。土雞肉質彈牙，連雞皮都係爽口。作為小食的確唔錯。2)檸檬蝦熱辣辣嘅沙鍋放上大頭蝦，帶有檸檬香嘅大頭蝦好清新，蝦頭有蝦膏嘅香，亦要好好細味蝦肉。3)烤澎湖墨魚香腸原汁原味產地直送的澎湖墨魚香腸，大塊的墨魚超有嚼勁，食到墨魚嘅鮮，每一口都彈牙，烤過的墨魚香腸香氣逼人，帶有焦香滋味，送酒正呀！4)魚汁麵線我鐘意呢款Q彈的手工麵線，麵線上有濃濃的蒜香，而魚汁就當主要調味，蒜香與彈牙麵質，非常好食。5)胡椒鳳螺平時食螺都係沾醬汁，但今次不一樣，用胡椒更出色，胡椒只係微辣，用竹簽將鳳螺拿出，鳳螺鮮味彈牙有咬口。