影片
更多
2017-07-21
111 浏览
之前行開美麗華，一路都見到地下有呢一間日式西餐廳，設計環境不錯，今日終於有機會試吓。佢哋係半開放式嘅餐廳，同鋪頭係一巷之隔，但係都好舒服。煙三文魚忌廉芝士沙律＄80沙律菜好新鮮而且款式都多，好鍾意佢入邊有埋牛油果，煙三文魚鹹味可以調起整個沙律嘅味道，作為前菜，呢個係一個唔錯嘅選擇。墨魚汁蜆意大利粉$88一上枱就聞到好香嘅橄欖油味，味道有驚喜，蒜蓉和橄欖油令到意大利粉好香，但係又唔會過於油膩，味道不錯，而且意大利粉夠彈牙，我同朋友都爭住食，比主角蜆肉更加出色。Wired 漢堡包＄85本來冇諗住叫，但係見到隔離枱點左呢款漢堡包，賣相好吸引，所以忍唔住都點左一份，漢堡包份量不少，入邊有牛肉，煙肉，仲有一隻煎蛋添，麵包鬆軟，醬汁令到整個漢堡包有加分，旁邊嘅薯條係我鍾意食嘅厚身款，炸得幾好食。臨走見到原來佢哋有新promo，身分證上面有3字就會有優惠，可惜我同朋友都冇，下次去開沙田搵埋個有3字朋友夾定左去食過。
佢哋係半開放式嘅餐廳，同鋪頭係一巷之隔，但係都好舒服。
煙三文魚忌廉芝士沙律＄80
沙律菜好新鮮而且款式都多，好鍾意佢入邊有埋牛油果，煙三文魚鹹味可以調起整個沙律嘅味道，作為前菜，呢個係一個唔錯嘅選擇。
墨魚汁蜆意大利粉$88
一上枱就聞到好香嘅橄欖油味，味道有驚喜，蒜蓉和橄欖油令到意大利粉好香，但係又唔會過於油膩，味道不錯，而且意大利粉夠彈牙，我同朋友都爭住食，比主角蜆肉更加出色。
Wired 漢堡包＄85
本來冇諗住叫，但係見到隔離枱點左呢款漢堡包，賣相好吸引，所以忍唔住都點左一份，漢堡包份量不少，入邊有牛肉，煙肉，仲有一隻煎蛋添，麵包鬆軟，醬汁令到整個漢堡包有加分，旁邊嘅薯條係我鍾意食嘅厚身款，炸得幾好食。
臨走見到原來佢哋有新promo，身分證上面有3字就會有優惠，可惜我同朋友都冇，下次去開沙田搵埋個有3字朋友夾定左去食過。
张贴
