Verde MAR (已結業)

今日嚟到西營盤依間正宗墨西哥菜，餐廳內掛滿墨西哥傳統嘅手工藝同裝飾，仲有個小花園種滿仙人掌，環境舒適，係一個假日休閑嘅好地方。Avocado Burger Trio墨西哥菜又點少得牛油果，直接用牛油果代替漢堡包嘅麵包，非常新穎有趣，鍾意食牛油果一定唔可以錯過。Oaxaca Cheese Fundido墨西哥式嘅芝士火鍋，熱辣辣嘅鐵盤將半熔嘅芝士同肉碎混合，再用墨西哥脆片點嚟食。芝士做到拉絲嘅效果，啖啖香濃嘅芝士味，而且咸味適中。Avocado Apple Pancake甜品叫咗個pancake，賣相十分盞鬼，砌咗一個墨西哥人出嚟，有標誌性嘅鬍鬚同墨西哥帽！Pancake 夠鬆軟，隔層中有牛油果蓉同蘋果片，份量十足。Cactus Apple Juice個杯嘅外型可愛，係一個仙人掌！打卡一流。加入咗蘋果可以抵消仙人掌汁嘅草青味，飲落健康清甜。