影片
更多
2021-04-22
51 浏览
中美洲墨西哥菜極具特色，是世界五大菜系之一，以玉米、馬鈴薯、辣椒、可可豆等材料為主幹，配以肉類、家禽或海鮮，更著重有不同醬汁伴食，味道偏濃，多以酸辣為主，食材配搭色彩鮮艷，極為配合墨西哥人的熱情奔放。星期二晚到訪位於天文臺道的一間墨西哥餐廳酒吧食飯，這次是我初嘗墨西哥菜，既期待又興奮。餐廳地方很大，室內有很多座位，水吧位置也很寬敞，門口是露天座，室內裝修很有特色，牆身有幅巨型壁畫非常吸引眼球。餐廳整夜持續播放着輕鬆的音樂，使我不禁也隨着搖擺身體，整體的環境氣氛給人感覺輕鬆自如，見到食客們個個都感受到呢個氣氛而開懷暢飲，非常熱鬧，覺得呢度都幾啱三五良朋聚埋一齊飲幾杯傾吓偈。嚟到墨西哥餐廳，梗係要食返啲墨西哥嘅特色食品啦！Buffalo Chicken Nachos ($118)墨西哥脆玉米片（nachos) 係一款好地道嘅食品，顏色非常鮮艷，浄玉米片已經有唔同嘅顏色，加埋辣椒, 雞肉，沙律菜苗，芝士，水牛醬汁，辣椒粉等食材，睇見都已經好開心。玉米片脆卜卜，夾埋雞肉和配菜再沾上醬汁芝士一齊食，多重口感，微辣，清新，有啲似食沙律，但係有埋玉米片又好飽肚吓，喜歡加埋乳酪或牛油果醬一齊食，更加滋
星期二晚到訪位於天文臺道的一間墨西哥餐廳酒吧食飯，這次是我初嘗墨西哥菜，既期待又興奮。餐廳地方很大，室內有很多座位，水吧位置也很寬敞，門口是露天座，室內裝修很有特色，牆身有幅巨型壁畫非常吸引眼球。餐廳整夜持續播放着輕鬆的音樂，使我不禁也隨着搖擺身體，整體的環境氣氛給人感覺輕鬆自如，見到食客們個個都感受到呢個氣氛而開懷暢飲，非常熱鬧，覺得呢度都幾啱三五良朋聚埋一齊飲幾杯傾吓偈。
嚟到墨西哥餐廳，梗係要食返啲墨西哥嘅特色食品啦！
Buffalo Chicken Nachos ($118)
墨西哥脆玉米片（nachos) 係一款好地道嘅食品，顏色非常鮮艷，浄玉米片已經有唔同嘅顏色，加埋辣椒, 雞肉，沙律菜苗，芝士，水牛醬汁，辣椒粉等食材，睇見都已經好開心。玉米片脆卜卜，夾埋雞肉和配菜再沾上醬汁芝士一齊食，多重口感，微辣，清新，有啲似食沙律，但係有埋玉米片又好飽肚吓，喜歡加埋乳酪或牛油果醬一齊食，更加滋味。我好喜歡呢一個菜式，覺得又靚又有特色，仲好味添！一面食玉米片一面飲番杯嘢同朋友傾吓計都係幾唔錯嘅選擇。
Chilli Lime Shrimp Quesadilla青檸蝦墨西哥酥餅 （$128）
酥餅同樣是墨西哥人很喜愛嘅食品，今次揀咗辣辣地嘅檸檬蝦做餅內饀料，檸檬嘅清新同埋蝦嘅鮮甜可以中和酥餅嘅油膩感。呢個酥餅比之前嘅玉米片辣，更加醒胃，如果唔想咁辣加啲蕃茄莎莎醬就可以降低辣味。
Salted caramel cheese cake
鹹焦糖芝士蛋糕（$68）
賣相好靚，蛋糕用一隻好靚嘅碟盛著，而且還有新鮮紅莓藍莓和兩朵鮮花伴碟。呢款芝士蛋糕好有質感，芝士味濃郁，焦糖醬汁除咗香甜還帶有鹹鹹地嘅味道，都幾特別。
Big Bang ($82)
呢款係signature mocktail, 冇酒精成份，主要係芒果汁，百香果汁同埋菠蘿汁嘅混合體，飲落好清新好舒服👍而且更用一隻好靚嘅雀仔型杯裝住，一上枱我就忍唔住不停咁喺度打卡，足足影左成分鐘先慢慢品嚐。
High Ball ($88)
呢款係classic cocktail ，不嗜酒嘅我也飲咗一啖，酒味香醇，但對於我來講一啖已經很足夠了。
整體覺得墨西哥菜好有特色，無論在製作或擺碟方面也很講究，喺香港呢個國際都市應該多啲推廣。
张贴
