MOBIN

营业中

休息中

餐廳由2021年開始經營，主打亞洲墨西哥菜，除咗供應多款特色前菜、小食、主食、酒精飲品之外更有新派甜點，甜點控一定要Bookmark。 「本店食物可能引起無法控制的美食起源、突如其來的食慾、以及對第二份的渴望。請謹慎細讀，並準備好你的胃口。」大家真係要睇清楚先好叫... 人氣打卡之選有Bunuelos 布奴耶羅，上面有一大塊甜脆餅，超級酥脆且夠薄身，下面係蛋糕仔，軟綿綿，口味方面有蘋果焦糖/咖啡布朗尼/煉奶芝麻湯圓，而呢款香烤香蕉花生醬帶淡淡香氣，相對嚟講冇咁甜，再配埋雪糕食夠晒邪惡。一份唔算好多，就算自己一個食晒都唔覺得膩。前排好Hit嘅Pressed Croissant呢度都有，可以要蜜糖、朱古力或焦糖口味，壓扁咗嘅牛角酥咬落脆身，有牛油香氣，如果可以加啲配料就更加好。期間限定有Rumly Peach Jam Basque Cheesecake，好迷你，偏軟身，似蛋糕多啲。而Black Sesame Roll Cake甜度較低，食完有黑芝麻After Taste，慢慢Dap更滋味。