牛一 (始創中心) (已搬遷) 新店位置

任食打邊爐，我同朋友揀左牛一。點知⋯等左45分鐘至有得食，因為星期六唔想行黎行去，估唔到要等45分鐘，anyway，最後都有得食。我地揀左極上美國牛，都唔差架，好想知最貴個款牛係點，但真係幾貴。有一樣野一定要開心share，因為我發現有款丸俾牛更加好味，就係黑蚊蚊既墨汁豚肉丸，每一粒都好juicy好好味，我好似食左十幾粉，大家真係要試試。另外有好多其他野食，有秋葵，蟲草花，平時打邊爐都冇依兩款，依到有。啲嘢食都算新鮮架啦，對得起$188加一既收費。總結：45分鐘真係有啲耐，如果唔洗等的話，感覺會完全唔一樣。再要提提個墨汁豚肉丸，真係幾好味。