極尚大瀛喜日本料理 (已結業)

已經好耐冇幫襯過呢一間餐廳，今次再幫襯，好多嘢都有好大嘅改善，打俾我嘅新驚喜係，用客人的電話Scan QR code方法落單,減省左大量嘅Order紙、又慳咗人手、有減少出錯。呢個簡直係一個大進步，相信第日香港大部份餐廳都會用一種方法，可能喺內地都已經廣泛使用了！講返食物質素，各款刺身、壽司、炸物、天婦羅都係仍然保持中上嘅質素，屬於上等優質，非常抵食！特別深刻印象嘅係燒羊鞍，調味入味，燒得外脆內軟，令人回味。另外仲有炸榴槤波，非常好味，少甜，榴槤味香，每次去都一定要點。刺身方面，相當新鮮甜蝦、大蝦、帶子、鮑魚、象拔蚌都實在係必點的佳品。中午幫襯就最抵，都係每位$200左右，食物款式多，甜品款式亦都非常多有雪糕、奶凍、tiramisu, 應有盡有，飲品方面亦有勁多選擇，好多都係我市面上未見過嘅韓式飲品。呢一個午餐影真豐富！