PHENOMENON WINE • DINE (已結業)

新開餐廳，假期嘅menu 單價都幾公道，所以book位試下，book咗2點，去到全場滿座，未有一張檯埋單，有幾個客人等緊，同樣都係有book位嘅，雖然staff 有禮貌又送上節日小禮物，但最後2:41先可入座實在安排係好差。其實呢度賣點係有好大嘅落地玻璃，仲有一個露台仔可以打下咭，的確吸引唔少鍾意打咭嘅人嚟呃下like., 可惜今日天色麻麻，可能啲foodie，KOL 要執執啲相先可出街。檯同櫈都係打咭feel , 不過檯踫倒會搖一搖，感覺唔太穩陣。menu 有268同428,分別在於多咗個甜品同湯，我地點咗268加38多個甜品。starter 湯南瓜湯用杯上，好夠熱另一個係芝士，櫻桃茄加醋汁，賣相幾靚，幾特別。主菜我要魚，煎得幾香，不過有少少乾另一個係牛，5成熟，有少少筋跟餐有coffee or tea, 無drink menu 嘅，要咗mocha , 碟好靚，自己加奶嘅，唔好飲。甜品係tiramisu, 有啲稀，唔夠滑。大概5:00清場清潔，所以用餐時間大概係2個鐘。整體食物一般，主要係環境吸引。