PLAYT 咖啡廳

营业中

休息中

是日：晴，熱。早上十一點多，原本預算去 CWB CEO K-Lunch，到達門口時，竟然貼出告示：是日壞冷氣，暫停營業！ 行多兩個街口，到了 Parklane，知道PLAYT新開業不久，便決定和太太一齊試試。 正午十二點開始，好快就坐低，食到兩點半，約九成滿。自助餐 $308 + 10%，有以下信用咭：HSBC, HS, BOC，有折。 紅酒燴牛肉味道適中，咬落質地也剛好，唔會太實。魚生壽司軍艦種類也不少，除三文及吞那，仲有五六種其他魚種。其他海鮮有龍蝦仔、凍蝦、麵包蟹、藍青口、龍蝦鉗。其他熱盤質素也不錯，例如燒牛肉、點心、不同款式的薄餅（幾款都幾好食）。甜品我最欣賞gelato，自家製，食左兩三球。 結論：我食自助餐，好多時唔食甜品同雪糕，但「茅台Gelato」 及「梨子Mousse」 都幾好食。