跟openrice 的介紹去到這間叫 doraya 的日式便當食, 舖仔細細, 只得唔夠廿個位
結果係, 要等位:( 不過我份人無咩所謂, 只要好食, 等吓又何妨, 我信得過openrice, 餐廳推介介紹的幾間餐廳, 我試過都幾好, 包括呢間
叫左份三文魚子拚海膽定食, 要百五蚊一客, 不過好食又有咩所謂! 點解好食? 一碗魚生飯比成百幾粒粒粒都塞滿三文魚油的三文魚子同肥都都的海膽肉 cover 住, 個中的滋味, 係好難用筆墨形容得哂, 只可以講, 三文魚子真係好正, 而doraya 的三文魚子因為夠鮮, 所以更加正!
定食仲有一碟雞蛋, 一碟前菜同一碗麵屎湯跟, 特別要提雞蛋十分之可口美味, 千其唔好唔食, 因為真係好嘥!
食完好滿足咁走, 多謝 openrice 提供如此好的餐廳:)
以上食记乃用户个人意见 , 并不代表OpenRice之观点。
赞好
