塚田農場 (已結業)

某天晚上帶朋友去沙田新城市廣場影聖誕裝飾順便揾餐廳食餐好既，行到地庫果層有好多間餐廳可以選擇，我地揀左一間門面裝修都好日式風格既塚田農場，餐廳主打美人鍋，我地揀左其他特別既食物，一碟南蠻辣炸雞，炸雞既辣醬好似特別調味甘，辣得幾過癮，炸雞大大塊肉質軟熟同多汁，另外叫左個玩味既梳乎厘外型好似菠蘿包，蛋好軟滑，入面仲有好多明太子同湯汁，好好味，要襯熱食先好食，仲有一碟三文魚蟹肉沙律壽司卷，擺盤精美，三文魚味唔太食到，蟹肉味香。