Outback Steakhouse (尖沙咀中心) (已結業)

因為上次係黃埔果間我食左個韌到冇倫嘅西冷之後，我對outback都真係有咩好感。不過我又諗係咪我太主觀呢，我都知西冷比較韌，所以我男朋友話今晚去食outback，我都冇反對。 不過，咁就出事啦。我今次係尖沙咀呢間食，入座時間七點左右，唔係太多人，都好多空位。根據上次經驗，我今次叫左無咁韌嘅肉眼，七成，但係黎到係九成，韌到爆，已經冇咩肉汁，食到挭胃。如果個場爆旺，我都可以原諒，但係個場六成左右咋喎，好衰唔衰我男朋友又係叫肉眼，佢果個冇事喎，仲好juicy添。我都食到冇哂心機。根據我嘅工作經驗，我最後都冇叫佢地換過，我怕就算廚房唔加"'85料",都怕碟新黎嘅牛扒受到咒詛。算啦，哽左佢啦。不過，要我再幫襯，門都沒有。