堅韓牛韓燒放題 (已結業)

睇OpenRice搵嘢食，見到有間餐廳好多人收藏喎！就訂位試吓佢係咪真係禁堅。餐廳分咗三個時段夜晚入座，可以揀五點半，七點半或者九點半，唔同時間相應嘅價錢都不一樣。因為朋友收工時間較夜，所以九點半嗰個時間就比較適合。入到去佢座無虛席，早到要等位，所以建議都係準時去到啦。價錢都分為兩種，一款就係頂級嘅韓國餐，另外一份就係普通啲嘅美國牛肉餐，見佢價錢相差不遠，都係揀貴少少比較開心。聽店員講高級嘅套餐就可以二選一和牛他他或者刺身，普通美國牛肉餐就只能夠送刺身，所以我哋就揀咗和牛他他。啲質感幾特別，生牛配上生蛋味道份外新鮮。1++韓牛肉眼見到無論係花紋定脂肪分布到都係比較靚，仲送多一個炆嘅牛，除咗入味之外好多配料，個湯都可以飲得。自助任選韓國飲品，基本嘅飲品亦都一樣有，選擇超過10款，仲有啤酒添。點左好多唔同款式嘅肉，當然牛肉係重點，但係與此同時其實都仲有好多其他肉類，豬肉、雞肉以及海鮮，甚至蔬菜都一樣有。部份經過醃制嘅肉類可以唔需要點上醬汁，原汁原味嘅肉類可以點上豉油去食。呢間鋪頭話明有埋火鍋，梗係要試一試，揀咗嘅呢一個泡菜湯鍋可以加入唔同嘅配料進食，不過要留醫唔能夠同時進行韓燒及火鍋，所以