堅石燒 (已結業)

最近要支持黃店，search到旺角有依間石板燒嘅牛扒，望落好吸引，仲要係平民價錢，於是就揀咗佢。我係平日去所以唔使排隊，但係如果去，都建議book位先，可以前一日係openrice用discount price order先！裏面環境都算舒服，幾多座位，感覺唔錯。我同朋友揀咗一個韓式雞肉飯，一塊300g大理石牛扒，仲每人加咗$12有自助bar!1. 自助小食吧 好推介大家加$12享用小食吧，有好多食物選擇，絕對值回票價。個度有沙律，可以自己配搭醬料，我中意泡菜湯、蒜香牛油意粉、茶味雪糕、飲品全部都可以無限添加，意粉同沙律配搭牛扒一流，啱晒大胃王！2. 美國大理石300g $108肉質算鮮嫩，可以自己調校幾成熟，自己落胡椒同鹽調味，建議一次過燒熟，喺石板上調味，之後再剪落碗，方便進食呢個價錢食到牛扒性價比高，而且牛肉堅係有牛味！亦有肉汁，厚身得來唔會好乾好鞋！3. 韓式雞肉石鍋飯 $68一上枱熱辣辣，另有一碟醬汁附送，好貼心，但其實本來石鍋飯調味已經足夠，重口味人士可以自行再加。石鍋飯本身配料都唔少，有泡菜、芽菜、紅蘿蔔絲、粟米，重點當然係雞肉啦！醬汁配搭亦唔會過鹹，成個飯好有層次，口感