江戶拉面 (已結業)

今日出開旺角天氣又鬼死咁凍，最啱就緊係食返碗暖笠笠ge拉面啦～於是乎就向住以前食開個間八王子拉面出發！點知去到就發生大悲劇。。想食個間野竟然。。執左。。變左間江户拉面。。堅係嬲嬲地，不過都行到過黎又唔知食咩好。。就試下啦，入到去地方都算幾有feel，不過就灰暗左d，同其他拉面鋪一樣都係有白啊，黑啊之類ge湯底揀，第一次就試下個原味豚骨湯底啦～等左陣個面黎到，見個湯真係幾白喎，忍唔住即刻飲啖湯試試佢～嘩！堅正，真係豬骨湯味，拍得住一蘭豚王個d，唔係求其豬骨精沖出黎個種，lunch$48非常值下次有回頭！