NUTTEA (海光街) (已結業)

今日嚟到一間屬於香港人嘅飲品鋪頭裏面有超過40種嘅飲品給大家選擇，而其中主打的是堅果奶蓋系列。平時大家都飲得多普通奶蓋但是在這間舖頭即加入一些堅果碎去令到口感更加豐富。 在品嚐細滑嘅奶蓋同時可以品嚐堅果嘅味道。 以佢嘅水果茶入面更加有啖啖果肉。呢間舖頭個匙羹都幾得意， 係一個鏟形狀嘅匙羹。首先係用匙羹直接食用佢嘅堅果奶蓋， 45度飲佢嘅水果茶，同埋最後將佢嘅堅果奶蓋融合埋水果茶一齊飲。三種唔同飲法各有特色，第一種可以品嘗佢濃郁嘅奶香以及清新嘅堅果味， 第二種可以品嘗佢嘅茶香以及鮮甜嘅生果味道. 最後一種就可以同時間享受截然不同嘅質地 嗰種感覺就好似飲緊奶昔咁樣。 伯爵朱古力堅果奶蓋茶今次飲嘅其中一杯係每日限量供應100杯，佢嘅奶蓋有好濃沃嘅朱古力味，如果本身鍾意朱古力嘅人完全唔可以錯過呢杯嘢飲。本身就咁食嘅時候可能會有啲膩，但係當溝埋烏龍茶一齊嘅時候烏龍茶完全中和咗嗰種油膩嘅感覺。芒芒堅果奶蓋茶呢杯芒果味好濃郁，加埋啲茶香，好fresh，完全唔怕膩。