NUTTEA (旺角中心第一座) (已結業)

好耐都冇出去旺角，今日難得同朋友去旺角行下旺緊係要去久違既旺角中心﹗唔去都唔覺 原來旺角中心變左一個美食天堂。鐘意食野既我緊係唔會錯過食新野啦-今次就試下呢間NUTTEA首先被吸引到既係門口有唔同既堅果平時我好鐘意飲榛子既野，一望到門口咁多堅果二話不說就買返杯黎嘆下-我叫左杯朱古力榛果堅果奶($39)朋友就叫左伯爵朱古力堅果奶蓋($47)鐘意榛子既我真係大愛呢杯飲品﹗佢同平時既台式奶茶唔同 係充滿nuts既香味再配上朱古力 味道係一流!仲有飲完呢杯野係會飽肚 再食小小少食已經可以當一個下午 -下次有機會想試下抹茶既堅果飲品