NUTTEA (兆英商業大廈) (已結業)

前幾日同朋友去中上環嗰邊Dinner，Dinner前經過見到呢間Nuttea，覺得堅果奶幾吸引，就同朋友一人買左一杯飲。牛油果堅果奶$46牛油果奶昔都飲唔少，但牛油果堅果奶就真係第一次見，所以就揀左呢杯。叫左走糖，所以唔會好甜，可以飲到牛油果同堅果奶本身嘅味道。牛油果同堅果奶blend成嘅飲品口感非常濃厚順滑，牛油果本身獨特嘅香氣亦都好濃郁。堅果味同牛油果味原來都好夾。茉莉綠鑽堅果奶蓋茶$35呢杯奶蓋茶嘅奶蓋係以堅果奶整成，比起平時嘅奶蓋，呢個嘅質感比較濃稠，冇咁容易溶喺茶入面。堅果奶蓋食落榛子香比較重，非常啱我口味。底下嘅茉莉花茶都幾清香。成杯飲品就好似一份出色嘅甜品咁。