來佬餐館 (已結業)

呢次係我寫得最多字嘅一次食評。一心以為係一間似太平館之類嘅舊式餐廳，結果係環境舒適，侍應招呼細心令人難忘感動，食物質素高，價錢合理，絕對係一個聚會好地方。服務細心:1，我同其中一位朋友到先，先落單，侍應主動問我哋會唔會飲住餐湯同食住半隻龍蝦先，主菜等埋另一位朋友先至一齊上，好貼心。2，最後一位朋友到了，但不小心飲咗我杯水，我話我味飲過，唔緊要，隨後侍應送上餐湯給最後到的朋友時，竟然懂得補上一杯水給我，觀察入微，超級細心。食物質素高，價錢合理1，黑松露同什菌味道都好出，濃淡適中，夠熱，所以香味撲鼻。2，以為加$9半隻嘅龍蝦唔太差就算啦，竟然係熱騰騰上枱，龍蝦鉗拆埋殼，好窩心，香草味剛好，龍蝦肉嫩鮮甜，真係想再食。3，以為$268套餐件牛扒唔方大，竟然份量足，我叫咗七成熟，真係剛剛好，肉嫩冇血粉紅色，視覺味覺都滿足哂。4，表面比較乾身，但內裡肉質嫩滑，估佢唔到5，即叫即做，夠3至4人食，好好味6，甜度剛好7，以為係餐廳淡味奶茶，原來係港式奶茶，好正呀！8，紅酒只係$75，買一送一今次整過個用餐過程好似去咗高級餐廳咁，有優質服務，舒適環境，食物質素高，價錢合理，真係冇得輸。