更多
2014-08-13
802 浏览
前日行過依間位於尖咀嘅拉麵小店,門口寫住「湯底稍有瑕疵,未能提供午市」!心諗:咩料呀?今日特登再嚟,睇吓究竟發生咩事!同老闆兼主廚嘅 Sam 傾咗幾句,原來佢哋對湯底嘅要求極高,稍有少少瑕疵 ,都成煲倒咗佢。心諗:雖然真喺哂料,但製作真喺超認真!老闆兼主廚嘅 Sam 原來喺日本學咗幾年師,對拉麵嘅製作,非常執著同認真,一定要堅持傳統嘅做法,而且樣樣都好細緻講究!完全體會佢自己武士道嘅精神:堅持、認真、專注!原來武士拉麵每日限定只有一百碗,賣完就收工!唔會為賺錢,亂咁製作唔合格嘅出品!依種精神同理念真喺值得尊敬!做拉麵,湯底喺最重要!依間小店好細心同執著,由源頭開始煲湯嘅水,都經過瀘去氯氣,保證水質同味道!我八卦問佢:武士拉麵有冇咩秘技?Sam 大大聲話:無㗎,非常高透明度! 所以每個食客喺可以完全睇到每碗麵嘅製作過程!同日本傳統拉麵嘅做法,簡直一模一樣。佢仲解釋食拉麵一定要出街食先食到,因為一般家庭都唔會用到幾十斤靚豬骨煲湯!就算按比例縮少份量,都煲唔到同樣嘅味道!喺一定要足夠嘅份量先熬到咁濃郁嘅湯底!依個湯底另一賣點就喺純天然,唔落味精調味料,因此湯底仲含有豐富嘅骨膠原,真喺好健康好
今日特登再嚟,睇吓究竟發生咩事!同老闆兼主廚嘅 Sam 傾咗幾句,原來佢哋對湯底嘅要求極高,稍有少少瑕疵 ,都成煲倒咗佢。心諗:雖然真喺哂料,但製作真喺超認真!
老闆兼主廚嘅 Sam 原來喺日本學咗幾年師,對拉麵嘅製作,非常執著同認真,一定要堅持傳統嘅做法,而且樣樣都好細緻講究!完全體會佢自己武士道嘅精神:堅持、認真、專注!
做拉麵,湯底喺最重要!依間小店好細心同執著,由源頭開始煲湯嘅水,都經過瀘去氯氣,保證水質同味道!
我八卦問佢:武士拉麵有冇咩秘技?
Sam 大大聲話:無㗎,非常高透明度! 所以每個食客喺可以完全睇到每碗麵嘅製作過程!同日本傳統拉麵嘅做法,簡直一模一樣。
佢仲解釋食拉麵一定要出街食先食到,因為一般家庭都唔會用到幾十斤靚豬骨煲湯!就算按比例縮少份量,都煲唔到同樣嘅味道!喺一定要足夠嘅份量先熬到咁濃郁嘅湯底!
依個湯底另一賣點就喺純天然,唔落味精調味料,因此湯底仲含有豐富嘅骨膠原,真喺好健康好!
佢哋每日都只會專注整一煲湯底,準備第二日用!過夜嘅原因係令到湯底更濃郁!所以每煲湯都需要好多工夫,攪混散熱再冷凍,真係用到好多心機同時間!而且每煲湯,都用個濃度計去度住濃度,既科學又高要求!
张贴