影片
更多
2017-10-05
267 浏览
喺堅尼地城返工，平時食lunch都會經過呢一間餐廳，不其然就會望入呢間韓式得黎又帶點可愛風嘅餐廳。今日終於有機會一試！呢間餐廳行嘅係簡約可愛風。牆身有好多熊仔同兔仔嘅裝飾、亦有數隻好可愛嘅公仔比客人影相。頭頂亦有好多一舊舊雲，簡單得黎又趣緻。座位方面位置都幾闊絡，有望街景位，亦有比較隱蔽嘅卡位。枱面以雲石枱為主，一黎顯得高級啲，二黎影相做背景一流👍🏻食物方面，呢到有齊前菜主菜甜品飲品等，竟然仲有生蠔食，算係意想不到。不過可惜冇set menu, 好容易就選擇困難症發作喇！-Caesar Salad+Salmon凱旋沙律配煙三文魚💰HKD88沙律份量比預期中大，亦好夠醬，味道普普通通，未算好特別。煙肉雖然都幾大塊，但成條煙肉上就略嫌太硬。-Fantasy Carbonara卡邦尼溫泉蛋扁意粉(夢幻版)💰HKD108點呢個前特登問過店員何謂夢幻版。夢幻版嘅做法同一般普通版卡邦尼意粉製作差唔多，但係夢幻版有加入紅菜頭汁，令意粉變成一隻好靚嘅紅色。呢個意粉食落就冇紅菜頭嘅草腥味，但卻有啲甜甜地嘅味，都幾得意，係一個幾唔錯嘅配撘。加上呢隻色真係幾靚幾夢幻。意粉軟硬得宜，底部有啲煙肉配料。若可再加
呢間餐廳行嘅係簡約可愛風。牆身有好多熊仔同兔仔嘅裝飾、亦有數隻好可愛嘅公仔比客人影相。頭頂亦有好多一舊舊雲，簡單得黎又趣緻。
座位方面位置都幾闊絡，有望街景位，亦有比較隱蔽嘅卡位。枱面以雲石枱為主，一黎顯得高級啲，二黎影相做背景一流👍🏻
食物方面，呢到有齊前菜主菜甜品飲品等，竟然仲有生蠔食，算係意想不到。不過可惜冇set menu, 好容易就選擇困難症發作喇！
-
Caesar Salad+Salmon
凱旋沙律配煙三文魚💰HKD88
沙律份量比預期中大，亦好夠醬，味道普普通通，未算好特別。煙肉雖然都幾大塊，但成條煙肉上就略嫌太硬。
-
Fantasy Carbonara
卡邦尼溫泉蛋扁意粉(夢幻版)💰HKD108
點呢個前特登問過店員何謂夢幻版。夢幻版嘅做法同一般普通版卡邦尼意粉製作差唔多，但係夢幻版有加入紅菜頭汁，令意粉變成一隻好靚嘅紅色。
呢個意粉食落就冇紅菜頭嘅草腥味，但卻有啲甜甜地嘅味，都幾得意，係一個幾唔錯嘅配撘。加上呢隻色真係幾靚幾夢幻。
意粉軟硬得宜，底部有啲煙肉配料。若可再加埋蘑菇就更完美了！
-
Chicken & Avocada Sandwich
香草燒雞牛油果三文治💰HKD118
我覺得呢個幾好食！塊雞扒煎得都幾香，麵包唔會硬掘掘，配上淡淡牛油果醬，成個配撘都幾match!!若牛油果嘅味道再加重就更好😛
另外亦配有生菜同蕃茄，尚算新鮮。而且入面有好多醬，唔會乾爭爭得黎又唔會好膩，好好食呢！旁邊仲配有薯條，唔係好夠熱亦唔係好夠脆，但重點不在薯條吧？
-
Passionfruit Yakult （左）
百香果健康多多💰HKD36
冇乜特別嘅飲品，就係熱情果加益力多，甜甜地酸酸地都幾開胃嫁。
Maldives （右）
馬爾代夫💰HKD38
呢杯係星空系列， 入面有一冰識發光嘅小燈，好靚亦好特別！由於用左蝶豆花所以係藍色，好適合相機食先。
-
其實我估佢地嘅甜品都係好重要嘅一環，有好多款式亦好多好靚同可愛嘅造型。但食完上面嘅野已經好飽了，下次再試吧。
整體而言，呢到嘅食物都算幾大份，而且每一份食物飲品都幾靚，好適合相機食先之餘，味道亦十分不錯，整體上除左覺得飲品比較細杯外，價格都未算太貴。
環境裝修全部都好靚亦好舒服，服務亦十分好，所以都幾值得再黎啊😁
张贴
