影片
更多
2021-05-11
1545 浏览
大排檔買少見少，依家十間有八間餐廳都話自己係大排檔，其實舊一代嘅大排檔就好似呢間愛文生咁，個廚房係條街出邊，而大多數客人都開張枱就係條街到食飯，相當有風味。豉椒炒蟶子皇 $160蟶子皇價錢係時價嚟，每次去食價錢都唔一樣，講返蟶子皇個味，隻隻鮮甜冇沙，但略嫌豉椒味道唔夠。牛肉炒腐乳通菜 $98味道中規中矩，腐乳味道唔夠出，再香濃少少可能比較好。黑椒薯仔牛柳粒 $118一心期待嘅薯仔牛柳粒。牛柳粒正常發揮，但薯仔粒明顯炸得唔夠，薯仔表面唔夠香脆，令到食落口感麻麻。椒鹽牛仔骨 $98但相反椒鹽牛仔骨出色勁多，調味恰到好處，牛仔骨亦都鬆化可口，一碟四人分係完全唔夠食。如果唔係佢係最後一個叫嘅餸，實忍唔住嚟多碟🤣🤣🤣大廚相當好客，見我埋去影相時仲特登堆起手勢🤣🤣
大排檔買少見少，依家十間有八間餐廳都話自己係大排檔，其實舊一代嘅大排檔就好似呢間愛文生咁，個廚房係條街出邊，而大多數客人都開張枱就係條街到食飯，相當有風味。
豉椒炒蟶子皇 $160
蟶子皇價錢係時價嚟，每次去食價錢都唔一樣，講返蟶子皇個味，隻隻鮮甜冇沙，但略嫌豉椒味道唔夠。
牛肉炒腐乳通菜 $98
味道中規中矩，腐乳味道唔夠出，再香濃少少可能比較好。
黑椒薯仔牛柳粒 $118
一心期待嘅薯仔牛柳粒。牛柳粒正常發揮，但薯仔粒明顯炸得唔夠，薯仔表面唔夠香脆，令到食落口感麻麻。
椒鹽牛仔骨 $98
但相反椒鹽牛仔骨出色勁多，調味恰到好處，牛仔骨亦都鬆化可口，一碟四人分係完全唔夠食。如果唔係佢係最後一個叫嘅餸，實忍唔住嚟多碟🤣🤣🤣
大廚相當好客，見我埋去影相時仲特登堆起手勢🤣🤣
张贴
