三門仔漁夫火鍋點心專門店 (已結業)

同事係葵涌住，知道䦕咗呢間店，都要特登上去，附近都有住宅區，但唔算好市中心。其實那晚夜收工，同個同事食飯，忽然唸到呢間野，去食下啦。原來雖然佢咁隱閉，D野又唔錯。嗰晚我覺得個堂弄石蚌好食，因我好鐘意食魚，條魚睇價錢都係養貨，起肉成片，好薄下，佢有湯比我地灼熟，記住放下滾湯幾秒，好食嘞，唔係D肉太老，浪費晒。食落口好鮮甜，D肉好軟，唔使㤐豉油，天然海鮮風味，養魚來貨唔差。唔好浪費D湯，飲番碗石蚌魚湯，有漁家feel。個雞油豆苗，勁香口，D豆苗無臭青味，好食。另外個杏汁豬肺湯，好飲，有好濃杏汁味，D豬肺幾好味，無味精，幾住家。而個芝士焗龍蝦伊麵，個汁好濃芝士味，D波士頓龍蝦夠鮮甜，好食又份量夠。