小城鎮 (已結業)

城市又名城鎮，喺香港呢一個急速嘅城鎮之下，你真的掌握到自己的節奏嗎？店裏面有好多關於時間以及係一些文青嘅藝術設計等等，昏黃的燈光營造了獨特的氣氛。我們現這裏的食物與價錢不成正比！因為不用一百元，就已經有兩杯嘢飲加小食，非常便宜。我們叫了個套餐，有香煎比目魚扒配香草忌廉汁，比目魚扒好厚好大塊呀，魚肉超滑溜，一啲都唔誇張呀，試下你就知～魚肉好香蒜蓉味。菇切成片，椰菜同薯蓉混合一起再加埋切成一半嘅蘆筍。另外叫了招牌豬肋骨，有成兩大嚿，豬肋骨燒過有陣炭香味，真係太大塊，四個人都食唔晒！而且佢唔需要點任何醬料，本來已經醃好咗，好有香味。另外仲有2款主菜，西班牙海鮮飯同安格斯肉眼扒配薯條(7成熟燒汁)，我比較欣賞佢嘅肉眼扒，食材優質，而且厚度均勻，切下去的時候不會特別困難，肉質亦是甜美的。最後每人一個時令鮮果奶凍，奶凍很香滑，而且用的杯子很大，上面覆蓋上奇異果和藍苺等水果，還有一片金箔，非常奢侈，加上一點點酸酸甜甜的果醬，令人份外開胃！