NINETYs (K11購物藝術館) (已結業)

假期前夕，約埋個舊同事去尖沙咀K11 食晚飯，果度真係可以消磨成晚架，商店臨立，又多唔同餐廳選擇，之前已經鎖定目標，卜定一間好多好評嘅西餐廳 NINETYs。餐廳以開放式裝修，水吧同廚房一目了然，既乾淨又整齊，餐廳樓底極高，空間感十足，裝修既簡約又時尚，真係三五知己係商場shopping完落腳chill下嘅好地方👍🏻。先點兩支飲品APPLE COX’S JUICEWHITE PEACH NECTARS兩支果味極濃嘅飲品，果味好香好濃郁，味道唔會太甜，比較濃杰，好有質感嘅果汁🍹飲品。🍝 Truffle Pasta擺盤好靚，熱辣辣上枱，松露芳香突圍而出，將我嘅臭覺同食慾推至最高峰狀態😆。意粉係厚實粗壯嘅長通粉，軟靱度做得非常好，口感一流；中間鋪滿厚切大啡菇，肉厚多汁，菇味濃郁，口感豐富；將底層嘅松露醬汁撈勻整個意粉，醬汁杰度適中，令整個意粉非常掛汁。🥢Siu Wan Rice自製厚切叉燒加上日本珍珠米，中央放上溫泉蛋；叉燒肉質鮮甜嫩滑，外層帶些小燶邊掛上蜜香；珍珠米粒粒圓潤鬆軟，米香十足；叉燒同白飯真係最佳拍擋，原美嘅結合，簡直係升級高檔板嘅（食神）黯然銷魂飯😆。總結黎講，NINETYs