Jagger

营业中

休息中

最近喺"Jagger"同男朋友享受咗一個非常型格而又悠閒嘅晚餐，係k11隔離，位置好方便。呢間餐廳嘅裝修真係型到爆，室內位置唔多，但空間感十足，仲有室外的座位，充滿園林風嘅設計，加上hip pop, jazz音樂，勁cill！首先介紹下我哋點嘅菜式。意式蒜香牛油汁配青口及蜆，完全係鮮味十足，啲青口同蜆非常新鮮，加埋蒜香牛油汁，簡直係完美嘅組合。德國肉腸拼盤亦係必試之選，三條唔同嘅香腸—香草、原味、辣味，每條香腸都有自己嘅特色，加上清爽嘅德國酸菜，成套組合非常出色。之後，我哋試咗特色芝士波菜意大利雲吞，啲意大利雲吞煮得好Q彈，入口有豐富嘅芝士餡，再配上美味嘅蕃茄醬，真係意猶未盡。最驚喜嘅係甜品心太軟，流心濃郁朱古力蛋糕同曲奇雪糕嘅配搭，真係絕配，每一口都令人沉醉。呢度嘅飲品亦唔錯，特別介紹下兩款mocktails：Tropical Sundae（菠蘿、芒果，同香蕉），同Ice-Land（荔枝、紅茶、熱情果），外型打卡一流，都超清新，非常適合呢間餐廳 chill vibe 同音樂氛圍。總括嚟講，"Jagger"嘅食物、裝修、氣氛都係一流，價錢亦適中，非常適合同另一半享受一個悠閒嘅晚上。