B-mix 燒肉餐酒館 (已結業)

我個搵食元朗友又有餐廳推介🍴,今次嚟咗一間樓上燒肉館🔥~樓底高,裝修格局好有私隱,仲有好多特別嘅擺設🛩~佢話啲肉類好正,所以點咗個B-mix燒肉套餐~雖然寫588,但其實佢啲套餐有7折🈹️,只係四百零咋~前菜有沙律🥗,牛蒡同醃蘿蔔,清清地,開胃迎接啲肉肉們~而今日嘅刺身有蝦🦐,八爪魚🦑同帶子🦪~除此之外仲有丼飯🍚,飯面有紫菜,溫泉蛋🥚,仲有啲三文魚籽,撈埋啲飯素好香~燒嘅材料有海鮮,牛肉(可以揀豚肉)同埋蔬菜~個海鮮有帶子同埋鮑魚,仲有個錫紙盒嘅係牛油蒜蓉廣島蠔🧄,原盒放喺爐面燒15分鐘左右就食得😋~啲蠔都幾大隻,連埋蒜蓉牛油焗真係好香🧈~後來用埋啲蒜蓉牛油搽喺帶子度燒,真係好正~牛肉就有牛小排🐮,牛舌心同牛粒,全部都好香牛肉味~牛舌心夠厚👅,燒完都唔韌,好味😋~另外仲有雞腿肉,而當日無雞腎換咗做火雞腎,燒香咗煙煙韌韌又爽爽地~蔬菜就有南瓜,冬菇🍄同小蕃薯,但菜類真係好難燒🙈🙈...成日都唔知燒熟未,應該將佢哋放埋蒜蓉牛油度一齊焗就啱~呢間燒肉啲份量好足,完全對得住個價錢👍,環境又舒服~如果唔係因為喺啲小街又上咗樓,一定會好full!呢度仲有得一個價錢,三個鐘任飲啤酒~住元朗嘅朋友,一定