八屋 (已結業)

位於油麻地嘅Ladder Dundas越黎越多新食店進駐，今晚黎到嘅八屋就係其中一間。一層一間食店，一開lift門就已經入左餐廳範圍，地方算細，但座位唔密，加上埋邊係大窗邊，空間感不錯👍🏻主食暫時只有意粉，小食就以炸物為主，所以選擇唔多；飲品方面以抺茶焙茶等系列最吸引，用上東京AA級嘅抺茶粉，相當講究👍🏻呢度嘅意粉🍝就選用咗我最鍾意嘅扁意粉，一嚟更加掛汁，二來更有咬口👍🏻三款意粉入面《明太子意粉》味道最好最香，明太子同魚籽嘅份量好多，擺盤亦較其餘兩款優勝；《肉醬意粉》就係好普通，汁唔算濃郁，只係多肉碎；至於《卡邦尼意粉》同平時食到嘅味道好唔同，欠缺忌廉同芝士味，反而係比較多黑椒同煙肉，一開始食都好懷疑呢個係咩口味，個人黎講唔太欣賞🤷🏻‍♀️如果只嗌一款意粉揀《明太子意粉》就好了🙈甜品叫左最受歡迎《法式多士》，賣相一流，三片厚多士浸透係糖醬之中，再撒上糖霜點綴🍞食落好重玉桂味，甜度適中，不過質感太淋太濕，好似濕水麵包🤦🏻‍♀️第一次食《凍年糕》，淡淡嘅醬油味，食落口感比熱嘅年糕實正，幾煙韌，可以一試👍🏻飲品《芝芝焙茶》同《芝芝抺茶》都無額外加糖，焙茶較抺茶突出，相當有驚喜！☕️芝士奶蓋唔太厚，