咕嚕咕嚕

营业中

休息中

疫情都少咗去酒吧，係加拿大返嚟之後嘅第一次。 餐廳環境闊落，有桌球、beer ping pong 等。裝修行華麗豪華風，吧枱嘅咕嚕咕嚕招牌霓虹特別吸晴。 整體幾舒服，啱晒把酒談心。 🍝Set dinner$198🥗布袋芝士蕃茄沙律布袋芝士喺餐廳非常少見， 食到牛奶乳酪味道，外層較煙韌，而內裏軟滑。沙律份量新鮮度都令我哋滿意。🥩法式紅酒燴牛面頰肉紅酒味未算突出，唔飲得酒嘅都可以食到。望落牛面頰肉都幾多，但亦有啲根同埋可以再嫩滑啲。🍰日式芝士蛋糕較迷你，味道似大型餅店水準，不過不失。 🍹Sakura $98粉紅色嘅酒旁邊夾住精緻櫻花裝飾，幾啱打卡。入口帶淡淡嘅櫻花香同玫瑰糖漿，容易入口！🍹Magarita $78比較傳統嘅口味，由龍舌蘭酒、檸檬汁同君度橙皮酒。 朋友挑戰咗呢款酒，飲完即刻感受到有啲醉。 其實酒精濃度頗高，佔15~20%。🙂後記：上菜比較慢，同時亦唔會食得趕急，適合傾計飲酒chill 下。仲有，餐廳出名係唔少串燒選擇，亦有拉麵🤣，不過怕唔夠飽，所以叫set dinner 。