打鑊甘火鍋串燒 (已結業)

趁天氣凍凍地，梗係去打邊爐啦！呢間火鍋店喺北角街市嘅熟食中心入邊，充滿港式邊爐風味！不得不介紹一下餐單，餐廳為每一樣火鍋配料配上搞笑型格嘅名稱，例如：唔使去搶，有鴨腸、天殘腳（雞腳）、邪惡豬心同埋人頭唔食食豬路等等，非常有趣！單係餐單，已經夠晒gimmick ！推介火鍋配料第一名：打鑊甘必食豬潤推介指數：⭐️⭐️⭐️⭐️⭐️/5豬潤滑身，夠爽口，唔會淋，而且餐廳用咗紹興酒醃豬潤，令到豬潤充滿清新酒香，一啲都唔腥！每件豬潤都切得非常厚身，而且數量好多，大大碟，兩個人的確食唔晒。第二名：包冇詐型牛筋丸（必食）推介指數：⭐️⭐️⭐️⭐️/5呢個牛筋丸好彈牙，而且超爆汁，非常Juicy！仲好有牛肉味，食得出係真材實料！第三名：燒雞泡魚推介指數：⭐️⭐️⭐️⭐️/5雞泡魚燒得脆身，唔會乾身，仍然保留雞泡魚嘅肉汁。除咗以上推介配料之外，餐廳仲有好多唔同嘅配料選擇，滿足香港人嘅胃口。