影片
更多
2020-07-07
95 浏览
📍燒鬼 (銅鑼灣)🔍銅鑼灣駱克道459-461號The L. Square9樓-----Weekend充好電，Weekday就自然有力氣好好返工😛。啱啱過去嘅週末，B仔就黎咗呢間主打燒肉嘅放題店補充力量（部分cocktail及特色食品需額外加錢）。餐廳以東瀛鬼怪👻故事為主題，暗黑嘅環境，望落型中帶點神秘。坐低一陣之後，餐廳仲送上welcome drink 非常nice。-#刺身 Sashimi：呢度嘅刺身款式該有嘅都有，質素亦算對得住價錢。B仔最愛魚脂豐腴嘅三文魚腩同爽脆帶微微辣勁嘅榮螺片山葵漬。-#壽司 Sushi：推介酸甜味同鮮鹹平衡得恰到好處嘅柚子醬油和牛壽司，同口感豐富、厚嫩滑溜嘅明太子醬帶子炙燒壽司。-#牛鬼和牛拼盤 Usioni Wagyu Platter（按人頭附送相應份量）：呢碟和牛拼盤雲集8款唔同嘅鹿兒島及宮崎A4和牛部位，望住D靚到好似藝術品嘅❄️雪花紋，已經令人垂涎欲滴，未食先興奮。食落更係入口即溶，澎湃嘅牛脂味令人齒頰留香。（除咗和牛之外，其他肉類係任食）-#海鮮Seafood：濃郁香蒜牛油味嘅帆立貝係B仔嘅最愛，另外意式香草醬廣島蠔亦非常肥美新鮮，加上餐廳已經調
🔍銅鑼灣駱克道459-461號The L. Square9樓
-----
Weekend充好電，Weekday就自然有力氣好好返工😛。啱啱過去嘅週末，B仔就黎咗呢間主打燒肉嘅放題店補充力量（部分cocktail及特色食品需額外加錢）。餐廳以東瀛鬼怪👻故事為主題，暗黑嘅環境，望落型中帶點神秘。
坐低一陣之後，餐廳仲送上welcome drink 非常nice。
-
#刺身 Sashimi：呢度嘅刺身款式該有嘅都有，質素亦算對得住價錢。B仔最愛魚脂豐腴嘅三文魚腩同爽脆帶微微辣勁嘅榮螺片山葵漬。
-
#壽司 Sushi：推介酸甜味同鮮鹹平衡得恰到好處嘅柚子醬油和牛壽司，同口感豐富、厚嫩滑溜嘅明太子醬帶子炙燒壽司。
-
#牛鬼和牛拼盤 Usioni Wagyu Platter（按人頭附送相應份量）：呢碟和牛拼盤雲集8款唔同嘅鹿兒島及宮崎A4和牛部位，望住D靚到好似藝術品嘅❄️雪花紋，已經令人垂涎欲滴，未食先興奮。食落更係入口即溶，澎湃嘅牛脂味令人齒頰留香。（除咗和牛之外，其他肉類係任食）
-
#海鮮Seafood：濃郁香蒜牛油味嘅帆立貝係B仔嘅最愛，另外意式香草醬廣島蠔亦非常肥美新鮮，加上餐廳已經調好晒味擺喺錫紙兜裏面，直接放喺爐上燒一陣就食得，非常方便。
-
#飯 Rice ：除咗和牛🐮之外，B仔成晚最愛嘅就係呢一碗看似平平無奇，但食落就非常驚艷嘅三文魚茶漬飯，雖則係放題，但係冇澱粉不歡嘅我無米飯落肚，總覺得欠缺咗少少野，而呢碗鮮味十足，飯粒煙韌嘅茶漬飯，就正好填補咗我冇澱粉食嘅空虛感。（雖然好食，但唔好學我，放題係唔應該食飯的🤪）
-
甜品Dessert: 最後仲有日式豆沙綠豆蓉和果子，為整餐作一個完美收結。
PS：
🥩牛鬼和牛拼盤裡面包括有前胸肉、胸腹肉、上小排肉 、横隔肌、腹脅、中腹肉、內側腹肉及上肩肉（可以加$98追加）
-
本餐收費詳情：
✨星期六、日及公眾假期 $308/位（另加一）
-----
👶🏻B仔整體評價：7.8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7/10個👍🏻
（通風系統有改善空間）
👶🏻B仔味道評分：8.5/10個👍🏻
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowcwb
张贴
