餐廳唔算好大， 座位同座位之間有D窄， 不過我地坐既位都舒服， 起碼有得挨下。
好彩book左位，我地坐左陣，餐廳已經好full！
＃芝士軟殼蟹窩夫漢堡：呢個配搭幾新穎，個窩夫甜甜地，而且有Ｄ蛋香，唔錯。
軟殼蟹就好似炸耐左ＤＤ，不過份量真係好大。
＃香烤羊架：好厚切既羊架，７成熟，外脆內軟岩岩好！配菜都十分有誠意。個汁唔錯，仲有粒粒蘑菇，好惹味。
＃燒鮮味海螺串(2串)：幾夠味，爽口。
＃黃金薯條：好香，好好食，食唔停口。
＃花雕青檸：配話梅幾特別，有Ｄ青檸味幾易入口。
＃Old Land Peach：朋友唔飲酒，叫左杯mocktail，沙冰打得細滑，又有好多士多啤梨果肉。
