影片
更多
2022-08-05
40 浏览
朋友推介下試咗呢間位於旺角豉油街嘅餐廳，佢話牛扒係必食之餘，環境仲好靚。餐廳樓高三層，裝修入型入格，走時尚工業風，夠晒空間感。 🦆🦆鵝肝二重奏($168) - 聽個名都難以抗拒，除咗煎鵝肝，仲有鵝肝布甸。鵝肝好香，入口即溶，口感非常豐富好味。鵝肝布甸亦相當有驚喜，搽落香脆嘅多士到食，真係一流。 🐂🐂頂級牛腰扒 ($348) - 餐牌有介紹唔同牛部位嘅烹調程度，我地比較怕生，所以點咗建議七成熟嘅頂級牛腰扒，配特濃紅酒汁同松露薯條。雖然係七成熟，但牛扒入口依然嫩滑，牛味濃，好高質。松露薯條（$48）炸得好香口，點埋帶有濃濃嘅松露味嘅sauce，真係食到唔停口，一早被秒殺。🐠🐠香煎盲曹魚柳配摩洛哥香草醬（$198）- 盲曹魚煎得好香，皮脆肉滑，加埋香草醬食，味道好夾好正。仲有跟埋番茄同果粒，酸酸甜甜，更加帶出魚嘅鮮味。 🍋🍋有氣檸檬茶 Sparkling iced tea ($68) - 檸檬茶就飲得多，呢杯係Sparkling，用檸檬汁，加soda water同English tea調製，入口感覺清新亦好清涼。🍹🍹小店雜果賓治 Bistro Punch ($68) - 好豐富嘅水果味，味道
🦆🦆鵝肝二重奏($168) - 聽個名都難以抗拒，除咗煎鵝肝，仲有鵝肝布甸。鵝肝好香，入口即溶，口感非常豐富好味。鵝肝布甸亦相當有驚喜，搽落香脆嘅多士到食，真係一流。
🐂🐂頂級牛腰扒 ($348) - 餐牌有介紹唔同牛部位嘅烹調程度，我地比較怕生，所以點咗建議七成熟嘅頂級牛腰扒，配特濃紅酒汁同松露薯條。雖然係七成熟，但牛扒入口依然嫩滑，牛味濃，好高質。松露薯條（$48）炸得好香口，點埋帶有濃濃嘅松露味嘅sauce，真係食到唔停口，一早被秒殺。
🐠🐠香煎盲曹魚柳配摩洛哥香草醬（$198）- 盲曹魚煎得好香，皮脆肉滑，加埋香草醬食，味道好夾好正。仲有跟埋番茄同果粒，酸酸甜甜，更加帶出魚嘅鮮味。
🍋🍋有氣檸檬茶 Sparkling iced tea ($68) - 檸檬茶就飲得多，呢杯係Sparkling，用檸檬汁，加soda water同English tea調製，入口感覺清新亦好清涼。
🍹🍹小店雜果賓治 Bistro Punch ($68) - 好豐富嘅水果味，味道唔會太甜，好消暑。
餐廳環境型格，座位與座位之間闊落，食物質素亦相當高，好適合朋友飯局傾偈。
张贴
