GoldBlack Creative Coffee Journey (已結業)

前幾日等一個朋友食晚飯🥣 我同朋友係青衣城無無聊聊又唔想淨係行街 於是係青衣城一期見有間咖啡店 一於一齊食住飲住等😬餐牌設計好簡單明瞭 飲品款式都算多種類 野食就相對單一 但餐廳環境設計得幾有型 座位數目都幾多✌🏻朋友叫左杯熱帶氣旋 賣相超吸晴👀 用上熱帶水果打成沙冰 味道酸酸甜甜 中間吱上邪惡既香滑忌廉 中和其酸度 面頭放上粒粒新鮮香濃既菠蘿🍍 我諗我今次真係被捲入依場熱帶氣旋中🌪我自己就簡咗杯Earl Grey Humble 謙虛伯爵 咖啡我唔常飲 但哩杯既味道都幾岩我 咖啡☕同伯爵茶兩者既味都襯得幾好 唔會話有其中一款搶哂風頭 咖啡飲落幾香滑 伯爵茶香濃不膩 飲落幾舒服😚淨係飲野有d悶 再嗌咗個小食 熱溶瑞士芝士配薯蓉🥔 小馬鈴薯 鴨油焗薯 可配上蜜糖醬/黑松露同法蔥 望落夠哂豐富 芝士味幾濃 呈現金黃色之餘 仲好夠芝士🧀蛋香 一旁有酸青瓜同醃洋蔥 解膩之餘幾清新 而馬鈴薯幾有咬口 同芝士與蜜糖醬撈埋一齊比想像中好食☺️