影片
更多
2022-10-05
522 浏览
做嘢做到頭都實晒，午餐決定唔約朋友、唔食外賣，放空一下🙏🏻，我自己一個去咗幫襯位於加連威老道嘅「Youniqueed」。呢度裝修型格，🖤主色調為黑白色，餐枱座位唔多，高峰時間好大機會要等位。我一丁友就坐咗喺吧枱，可以睇咖啡師拉花；另外仲見到廚房門口塊布寫住「內有惡廚」，哈哈。小店主打各式咖啡☕️同飲料，但同時亦提供唔少食物，例如意粉、沙律、全日早餐、貝果同甜品等。以一間Coffee Shop而言，算好多㗎啦。Traditional Spaghetti Carbonara($80)，🍝估唔到呢度嘅卡邦尼意粉口味幾正宗，佢堅係用上蛋黄汁🍳，而唔係普通忌廉白汁，再加埋煙肉🥓、芝士碎🧀、洋蔥同黑椒等，惹味得嚟又唔膩。意粉質感彈牙富嚼勁，又掛汁。Green Tea Latte($44)，我唔好咖啡，所以嗌咗抹茶拿鐵🍵。凍Latte大大杯，店員提醒攪勻先好飲。抹茶味道香醇，同奶嘅比例啱啱好，無多餘嘅甜味。總括嚟講，喺尖沙咀區無乜呢類型精品咖啡店，如果想歇下腳、食啲嘢，不妨可以考慮呢度😉。最後，小店係一間支持香港人嘅店💛。
做嘢做到頭都實晒，午餐決定唔約朋友、唔食外賣，放空一下🙏🏻，我自己一個去咗幫襯位於加連威老道嘅「Youniqueed」。
呢度裝修型格，🖤主色調為黑白色，餐枱座位唔多，高峰時間好大機會要等位。我一丁友就坐咗喺吧枱，可以睇咖啡師拉花；另外仲見到廚房門口塊布寫住「內有惡廚」，哈哈。
小店主打各式咖啡☕️同飲料，但同時亦提供唔少食物，例如意粉、沙律、全日早餐、貝果同甜品等。以一間Coffee Shop而言，算好多㗎啦。
Traditional Spaghetti Carbonara($80)，🍝估唔到呢度嘅卡邦尼意粉口味幾正宗，佢堅係用上蛋黄汁🍳，而唔係普通忌廉白汁，再加埋煙肉🥓、芝士碎🧀、洋蔥同黑椒等，惹味得嚟又唔膩。意粉質感彈牙富嚼勁，又掛汁。
Green Tea Latte($44)，我唔好咖啡，所以嗌咗抹茶拿鐵🍵。凍Latte大大杯，店員提醒攪勻先好飲。抹茶味道香醇，同奶嘅比例啱啱好，無多餘嘅甜味。
總括嚟講，喺尖沙咀區無乜呢類型精品咖啡店，如果想歇下腳、食啲嘢，不妨可以考慮呢度😉。最後，小店係一間支持香港人嘅店💛。
张贴
