咕嚕咕嚕

营业中

休息中

今晚約左好耐無見既fd出黎吹下水, 佢搵左依句樓上吧, 可以靜靜地傾吓計。依間餐聽裝修好靚, 又有好多GAME可以玩, Beer Pong, Slap Cup依度都有得玩。 一場黎到當然要試下佢地特式cocktail, 8點前都有Happy Hour好抵飲。 我叫左杯MY FAVORITE, 個fd叫左杯ECHO PIE。 MY FAVORITE有好多熱帶水果口味, 酒精味好淡, 有d似fruit punch。 ECHO PIE就肉桂味加蘋果既酸味原來都幾夾。餐廳主要賣串燒, 但餐前小食選擇原來都好多, 我地叫左避風塘魷魚鬚、芝士年糕同意式蕃茄肉丸。 避風塘魷魚鬚香辣野味, 送酒一流。 芝士年糕炸得剛剛好, 完全唔過火, 口感軟糯, 最衰一份得2件, 有d唔夠喉。 主食叫左杜洛克豬梅肉蒜香欖油意粉, 可以選擇有辣又唔辣, 意粉軟硬程度剛剛好，份量都算多。 最正係豬柳梅又軟熟唔乾。依度側邊重有d環型梳化位, 幾適合一班人一邊玩一邊食, 有生日慶祝活動都可以考慮下依度。